Von Arschkarde bis Zielgrubbe

Horche ma droff, nuh kommd was ganz Komisches. Ja, mor muss heudzudache ooch ma lachn könn. Denn dieses Lebn kann mor ni ernsd nehm. Wird ja so viel und so laud diskudierd, dass mor sich dä Ohrn zuhaldn muss. Ich weeß, das is keene Lösung.
Was is ne Lösung? Ich geh am Wochenende zum Lachn in Keller. Am Neumarkd da gibds doch in dor Einkaufsmeile nebn dor Fraunkärche im Untergeschoss änne Galerie. Dä Galerie Komische Meisdor. Is echd zum Feixn dorde. Und ab diesem Wochenende ham die ne neue Ausschdellung: Von Arschkarde bis Zielgrubbe. Uwe Krumbiegl heeßd dor Karikadurisd. Der kommd aus Hedzdorf. Das verschbrichd so Einiges, denn Hedzdorf is ja dä Bardnerschdadd von Heuchlheim.Und dä Karikadurn, die dor Uwe aus Hedzdorf mald, die sin echd zum Schrein. Enne Zeichnung is diregd für mei Mann. Da siehd mor nur ä Kakdus, ä Kühlschrank, ä Sessel, ä Fernseher und ä Bissbeckn. Was das is? Schdehd drundor: Archidegdur für Männer. Da hads dor Uwe genau gedroffn. Oder: Eener bekommd enne Kisde voll Einzldeele. Warum? Er had ä neues Ado bei Ikea beschdelld. Ich kann da sehr lachn. Mei Mann ooch. Und da ham mir unsern Schbaß. Is wie Medizin, Scherz gegen Schmerz. Kann ich nur emfehl. Nüschd wie hin. Guddmachn.
l D Eure KudscherinSie möchdn mir schreibenweil Se ooch ne schbannende Geschichde erlebd ham?Nu, bidde sähr an:[email protected]

Hinterlasse jetzt einen Kommentar

Kommentar hinterlassen

E-Mail Adresse wird nicht veröffentlicht.


*


Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.