Dä verschwundene Schdadd

Horche ma droff, nuh kommd was ganz Abgerissenes. Was? Das Robodron-Gelände wird bald kombledd bladd gemachd. Ich hab off nor Kudschfahrd gehörd, dass dä alde Robodron-Kandine nuh doch abgerissn wärn soll. Dä Denkmalschüdzer finden das Gebäude ooch ni werd, es zu erhaldn. Echd Schade.

Da sin mor bei meim Lieblingsdhema hier in dor Schdadd. Es wird mirnüschdsdirnüschds im Zendrum fasd alles weggerubbd, was ma in 1970er- und ooch 80er-Jahrn hingebaud wurde. Schleichend verschwinded das alles. Dä Kandine also nuh ooch. Es gibd enne lange Lisde all der Gebäude, die in vergangnen 26 Jahrn weggebaggerd wurden. Echd Schade.

Und es gibd keen großn Offschrei. Dor Kuldi is als Alibi noch da. Schön gemachd, keene Frache, aber äm nur ee Beischbiel. Alles andre is weg. Es gibd ä baar Archidegdn, die sich drüber offrechn, aber das wars ooch schon. So wird Dräsdn immer mehr ä Brei. Mor wird sich eenes Daachs danach sehn, was ma war. Aber dann isses zu schbäd. Echd Schade.

Es heeßd ja immer, dass Dräsdn einmalig is. Aber wer än Bau wiezum Beischbiel das alde Centrum-Warenhaus off dor Prager Schdraße verschwinden lässd, der had nüschd begriffn. Das war einmalig. Dä Centrum-Galerie is ä Haus wie überall. Ich finde, mor sollde dä Robodron-Kandine erhaldn. Dor Schdaddrad will das ja wo ooch, hab ich gehörd. Aber was dor Rad will, wird ja ofd genuch ignorierd. Echd Schade. Guddmachn!
Eure Kudscherin

Wo drückd dor Schuh? Mail an: [email protected]

Hinterlasse jetzt einen Kommentar

Kommentar hinterlassen

E-Mail Adresse wird nicht veröffentlicht.


*


Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.