Horche ma droff, nuh kommd was ganz Vorschobnes. Dor Ball in dor Sembrobr soll vorlegd wärn. Der finded nuh ni im Februar schdadd, sondern im Juni 2020 So jednfalls had mir das eenr von dem Vorein geflüsderd. Der saß bei mir im Ferdeschdall und had sich ausgeheuld. Nuh is das nadürlich wegn Corona, abr offnbar ni nur. Vorgangnes Jahr hads ä Haufn Knadsch gegeben. Viele ham sich zurück gezogn, weil dor Ballchef
Hans-Joachim Frey frei drehde.
Es is ja nuh so, dass ooch dor MDR darübr nachdenkd, ob er übhaubd noch das Schbekdakl im Fernsehn sended. Das Heimad-TV-Fernsehn muss an alln Eckn und Endn schbarn und da kann so ä Ball ooch schon ma rundrfalln. Es gab ooch zu viel Ärgr. Es also ni immr dor Covid schuld, wenn ma was ni schdaddfinded. Guddmachn!
Eure Kudscherin
Hinterlasse jetzt einen Kommentar