Horche ma droff, nuh kommd was ganz Elekdrifizierendes. Vergangnen Diensdag war dor Schdrom urblödzlich weg. Schdundn schbädr hams se uns ersagd, es wär ä Lufdangriff gewesen. Mor sagd ja, alles Gude kommd von obn, abr in dem Fall wars angeblich ä kleener Alu-Lufdballon, der im Nedzverdeelr in Heidenau gelanded is. Nu kann das ja alles sein, abr of meinr Kudsche had dann am Donnersdag ä Gasd zu mir gesagd: „Wenns denn ä Kindrschbiel is, Dräsdn und Umgebung lahm zu legn, dann Brosd Mahlzeid!“
Anderswo würdn Äggsberdn übr Derroabwehr nachdenkn und hier kommd ä gebladzdr Lufdballon geflogn und nischd gehd mehr. Ich hab ja ooch lange an dor Ambl geschdandn, weil die nie mehr ging. Am Freidag had mir eenr off dor Kudsche erzähld, dass der bei so ä Schibherschdellr in Klodzsche arbeeded und dass da abr rischdsch Bambule war, weil alles ausgefalln is. Dor Schadn würde in dä Million gehn, aber dor Energieversorger übrnimmd nischd davon, weil dä Ursache ja vom Himml gefalln is. Ich hab wirklich keene Ahnung dardavon, aber war das wirklich nur so ne Lufdnummr? Guddmachn!
EURE KUDSCHERIN
Hinterlasse jetzt einen Kommentar