Horche ma droff, nuhm kommd was ganz Drocknes. Dor Lames, ich hab das „h“ ni vorgessn, is ja dor Finanzbürschmeesdr dor Schdadd. Un der had nuh
vorfüchd, dass es nä Haushaldsschberre in dor Vorwaldung gibd. Das wunderd mich ni, denn Corona saugd ja alles weg.
Nu had der, also dor Finanzor, abr ooch vorfüchd, dass er ni nur dän Geldhahn, sondern ooch dän Wassrhahn für dä Bäume zudrehd. Das heeßd, der lässdn dä Flanzn offn Drocknen sidzn. Das Grün, das sowieso schon ausdrürrd ohne Regn, bekommd nuh gar nichd mehr zu saufn.
Dräsdn is also bald ni mehr grün, sondern es wird schon im Frühjahr Herbsd, weil dä Bläddr vor laudr Schwäche von Äsd falln. Ich weeß ooch ni, ob dor Lames ni vorschdandn had, dass es grade jädze um dä Nadur gehd. So jednfalls hab ich dän Corona vorschdandn, als uns dän Warnschuss vorbassd had.
EURE KUDSCHERIN
Hinterlasse jetzt einen Kommentar