Aktuelle Kolumne: Die Kutscherin aus der DAWO! – Dor August kommd wiedr

Grafik: DDV Kreation

Horche ma droff, nuh kommd was ganz Ganzes. Dor Augusd, nee, der muss kee Wassr lassn, der is zu Wassr gelassn. „Augusd dor Schdarke“ hadde ä Loch im Bauch und mussde nach Laubegasd in dä Werfd. Dorde ham se dem Schiff dän Bodn rebarierd. Dor schwimmende Salon-Löwe is übrigens 75,10 Medr lang und 10,60 Medr breid un schwimmd seid 1994 of dor Elbe.

Es war ja ma dä Rede davon, dass dä Salonschiffe vom neun Floddnchef verhökern wärn solln. Abr das had der dann wieder zurück genommn oder angeblich so nie gesagd. jedenfalls is es ja gud, dass dor Augusd wiedr schwimm kann. Wann dann ooch ma wiedr ä Gasd offs Bood kann, das weeß keenr. Mor kann zwar ne Kreuzfahrd offn Meer machn, abr eefach ma off dor Elbe schibbrn gehd ni. Vorschdehn muss mor das ni.

Abr im Momend kann sich ja jede oder jeder für jedes und alles endschuldign. Ich möchde an diesr Schdelle ooch ma alle Bürgerin und Bürgern um Verzeihung biddn. Wofür? Für alles was war und was kommd. Nuh is abr gudd mid dor Schleimerei. Vor allm möchde ich abr wiedr midn Augusd un mid dor Cosel un alln andrn Damfrn fahrn. Guddmachn!

EURE KUDSCHERIN

Hinterlasse jetzt einen Kommentar

Kommentar verfassen

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.