Aktuelle Kolumne: Die Kutscherin aus der DAWO! – Der kleene Biegs

Grafik: DDV Kreation

Horche ma droff, nuh kommd was ganz Schbidzes. Ich geschdehs, nu, ich hab mir ne Imfe gebn lassn. Ich bin ald und brauche den Schdoff. Ich war im Imfzendrum und muss sachn, das had alles gud geklabbd. Da darf ich an der Schdelle ooch ma Danke sagn an alle, die das so fleißig sin. Danke! Dor Minisdrbräsidend had sich in dor Hausardzbraxis gegen Corona imfn lassn. Ich hab gedachd, der is nach Moskau gefahrn, um sich dord dän Schbudnik injiziern zu lassn. Abr nee, der is nach Moskau geflochn, um mid Budin zu delefoniern. Ich gloobe, die ham in dor Schdaadskanzlei dä Delefone abklemm lassn, weil die Angsd ham, dass dä Russn se abhörn dun oder anschdeckn. Das is doch zum Lachn bis dor Arzd kommd.

In dor Nähe vom Regierungssidz an dor Elbe gibds ja ooch keene Delfonzelle mehr, wo der Kredschmer ma nein gehn könnde, um mid andrn zu schbrechn. Vormudlich fliegd der Regierungschef demnächsd zum Aldmarkd, um mid Bürgermeesdr Hilberd zu delefoniern. Mor soll ja nach wie vor Abschdand haldn. Abr mir sin ja nuh geimfd, der Michael und ich. Da könn mir ooch näher an dä Russn ran. Guddmachn!

EURE KUDSCHERIN

Hinterlasse jetzt einen Kommentar

Kommentar verfassen

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.