Aktuelle Kolumne: Die Kutscherin aus der DAWO! – Zum Lachn komisch

Kutscherin aus der DAWO!
Grafik: DDV Kreation

Horche ma zu, nuh kommd was ganz Lachhafdes. Off meenr Kudsche saß die Woche ne Frau, die konnde wundrbar maln. Die had ä komisches Bild von mir gezeichned, das war echd zum Brülln. Riesn Ferde, kleene Kudsche un ich mid Beidsche wie so ne Domina. Dä Frau kam aus dor Bredagne und will an diesm Sonndag ä Breis gewinn. Die had mir erzähld, dass in Dräsdn seid 22 Jahrn dor Deudsche Karikadurnbreis vergebn wird. Da komm am Wochenende so ungefähr 70 Zeichnerin und Zeichnerin in dä Schadd. Im Schauschbielhaus wärd dor Breis vergebn. Sie will da hin.

Ich hab se gefrachd, wie se heeßd, Dordhe hade se gesagd. Sie wäre in Hamburg geborn, komme abr immr gern nach Dräsdn, weils hier schöne Breise gebn würde. Sie zeichned immr gern was mid Diern, also Vierbeenern und so. Das is ziemlich lusdig. Gesehn wärn könn die Karis ab Mondag im Haus dor Bresse off dor OsdraAllee. Da ham die Karikadurisdn sich was ausgemald, damid mir ma was zu lachn ham. Mor kann ja ni immr nur an dä Bandemie denkn, ma muss ooch ma heidr sein. Ich gugge mir das off jedn Fall an, ich muss ooch ma feixn. Guddmachn!

EURE KUDSCHERIN

Hinterlasse jetzt einen Kommentar

Kommentar verfassen

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.