Horche ma droff, nuh kommd was ganz Freies. Frei deshalb, weil in dor Jung Garde, so nenn ich die immr noch, weil ebn dorde wiedr Kuldur gemachd wird. Dä Sembrobr had zu, das Schauschbielhaus had zu, dor Kuldi had zu, abr im Großn Gardn gehds widdr los mid Veranschdaldungn.
Un da kann mor wirklich was erlebn. Ich wär wo am 26. Juni glei ma zum Zwingrdrio gehn. Die drei Blödlheinis machn ja immr Schbaß. Dann kommd ooch dor Uwe Schdeimle un meend, fludschn muss es. Dor Olaf Schubrd will off dor Bühne rebelliern un ooch dä Hexe Babajaga machd mid. Das wird ä Kuddlmuddl. Da Garde is ja ooch ä schönr Ord un hads vordiend, dass da maägroßes Sommrbrogramm off dä Bühne kommd. Seid Jahrn wird gebasdld un nuh is in so kurz Zeid was bassierd. Das is schon ma ä Komblimend werd.
Nur eens, das had mir eenr off meenr Kudsche erzähld, haud ni hin. Dor Freischaad, däm dä Garde gehörd, der will vom Bächdr, dem Rodney Ausd, dä Bachd ham. Da führd offnbar kee Weg rein, die zu erlassn, obwohl doch viel, viel wenschr Gäsde nein dürfe in dä Garde. Da beißd sich dä Kädze in Schwanz. Also, liebr Freischdaad: Dä Förderung für dä Künsdlr, die alle keene Subvendion kriegn, wäre, ma keene Bachd zu verlang! Guddmachn.
Eure Kudscherin
Hinterlasse jetzt einen Kommentar