Horche ma droff, nuh kommd was ganz Leckrfädzsches. Da nischd mehr gehd, muss mor sich drehn. Deshalb habsch angefang, daheeme dä Bude reene zu machn. Das war schon lange ma nödsch. Dabei habsch ooch dä Vorradskammr offgeräumd und was gefundn, nämlich Eengemachds. Nu freilich, das war noch mausn 1980er-Jahrn, abr genießbar. Schdachlbeern aus made in DDR. Das Land is weg, das Obsd is noch da.
Ich hab das Glas offgemachd und mor solls ni gloobn, es war noch genießbar. Wenn das ma ni nachhaldsch is, da weeß ich ja ni. Ich hab jädze wiedr Möhrn ausgesäd und schon dän erschdn Rhabarbr geerded. Abr dän ess ich ni glei, sondrn koche dän ein. Nun freilich, es is wie frühr. Es gehd ans Eingemachde. Un ich bin schon ma vorbereided. Ich hab mich als Dräsdnerin ooch schon für die Schbarglernde gemelded – fürn Eechnbedarf. Bleibd gesund!.
EURE KUDSCHERIN
Hinterlasse jetzt einen Kommentar