Horche ma droff, nuh kommd was ganz Wacklisches. Nuh wolldn die doch an dor Carolabrügge än Fernsehdurm, än Skyliner, offbaun. Da gehds schon ma los. Schdadd dass dor Fernsehdurm widder offmachd, wird ä Durm gebaud, damid dä Dräsdner Dräsdn ma von obn sehn könn. Un dann finded dä Schdaddforwaldung än Bladz, aber das bladzd. Denn da wussde dä eene Abdeilung ni, was dä andre wussde. Nämlich dass undr dem Bladz was bladzn kann, weil da ä Abwassrkanal liechd. Nu bloß gudd, dass das noch eener gemerkd had, sonsd wär dor Durm umgekladschd, weil undndrundr dor Bedon gebladzd wär. Ich fass es ni, was hier los is. Dä schimfn wir off Idalschen, weil dorde ne Brügge umkibbd, aber sin selbr nur halb so viel bessr.
Ich sachs glei. Ich fahr ni mid dem Ding, ich will liebr offn rischdschn Fernsehdurm noff. Der schdehd off Lausidzr Granid. Da weeß mor, dass der häld. Nuh ham die den Skyliner am Theadrbladz hingebaud, aber möchlicherweise bladzd da ooch noch irschendewas.
Guddmachn! Eure Kudscherin